Móðir Náttúra var stofnuð 1. Desember 2003, af hjónunum Valentínu Björnsdóttur og Karli Eiríksyni.. þau höfðu lengi alið með sér þann draum að reka eigið fyrirtæki sem byði fólki uppá tilbúinn hollann og ljúffengan mat.

Með einvala liði sem vann störf sín af miklum dugnaði og trúmennsku komst fyrirtækið á legg og myndaðist strax góður starfsandi sem einkenndist af mikilli gleði og hamingju yfir litla kraftaverkinu.

Reynsla okkar sýnir að fólk vill eiga greiðan aðgang að hollu fæði. Óhætt er að segja að með tilkomu Móður Náttúru hafi verið brotið blað í framboði á tilbúnum hollum matvælum á íslandi.

Æ fleiri eru orðnir meðvitaðir um samhengið á milli heilsusamlegs lifernis og góðrar heilsu. Miðað við aukninuna í framleiðslunni eru það sífellt fleiri sem eru komnir á bragðið.

Markmið okkar er að vera leiðandi í framleiðslu á hágæða heilsufæðis og að matur úr jurtaríkinu verði jafn sjálfsagður á borðum landsmanna og annar hefðbundin matur.

Við trúum því að með hollu mataræði geti fólk aukið lífsgæði sín því hvað er dýrmætara en góð heilsa.

Við leitum fanga í alþjóðaeldhúsinu þar sem heilsusamlegt hráefni eins og baunir grænmeti og korn er mikið notað.

Ferskar kryddjurtir og framandi krydd sjá svo um að töfra fram rétta bragðið.

Ofan á allt þetta leggjum við svo ómælda ást og umhyggju fyrir allri framleiðslunni. Það gildir jafnt um að afhýða grænmeti, hræra í pottum, steikja buff, pakka eða keyra út.

Okkur þykir nefnilega vænt um fyrirtækið okkar og það sem við stöndum fyrir. Að vera númer eitt hjá þeim sem kjósa að hugsa vel um heilsuna og njóta lífsins í leiðinni.

Það sem hvetur okkur áfram hjá Móður Náttúru er er sú trú að matur eigi ekki einungis að vara hollur hann þarf líka að vera bragðgóður.

Matur úr jurtaríkinu er með því næringarríkasta sem náttúran hefur uppá að bjóða og það er aldrei of snemmt eða of seint að byrja ævilangt ástarsamband við heilnæma fæðu eins og baunir, grænmeti, heilt korn og ávexti. Í þessari fæðu finnur þú góð prótein, fitusýrur, flókin kolvetni, snefilefni, andoxunarefni, vítamín og trefjar. Þetta eru einmitt réttu efnin sem þú þarft á að halda til að hjálpa líkamanum til að vera uppá sitt besta.

Móðir Náttúra leggur þér þér lið í að styrkja líkamann með því að framleiða matvæli úr þessu gæða hráefni úr jurtaríkinu.

Pottréttir, Grænmetisbuff, Hnetusteik, Indverskar pönnukökur, Tortillur , Grænmetislasagne og Dheli Koftas bíða þín í næstu verslun.

Tilbúnir heilsuréttir sem þarf aðeins að hita.

Auk þess að vera með vörurnar okkar í flestum verslunum erum við líka að selja í fjölmörg mötuneyti allt frá leikskólum uppí elliheimili og allt þar á milli banka, spítala, veitingahús svo fátt eitt sé nefnt.

Móðir Náttúrua sér um hádegismat fyrir Landakotskóla og Ísaksskóla við erum afar stolt og þakklát fyrir að fá að elda mat daglega fyrir um 300 flotta nemendur í þessum skólum.

UMMÆLI VIÐSKIPTAVINA

  • Eldhús Landspítalans hefur verið að nota vörur frá Móðir náttúru undafarin ár. Gæði þjónustunar og vörurnar eru með því besta sem gerist á markaðnum og höfum við átt mjög góð samskipti við Móðir náttúru. Hafa þau verið mjög öflug í framleiðslu á grænmetisréttum fyrir stóreldhús eins og við rekum.

    Sigvaldi H. Ægisson Innkaupastjóri eldhúsrekstrar LSH
  • Hamborgarabúlla tómasar hefur haft grænmetisborgara á matseðlinum í 11 ár. Fyrsta árið notuðum við portóbeló svepp en þar sem þeir eru svo misjafnir þá fórum við að leita eftir betri kosti. Á endanum duttum við niður á grænmetis buff frá móður nátúru. það samstarf
    hefur nú staðið yfir í um 10 ár og hefur verið farsælt. Staðfastar grænmetis menneskjur koma
    reglulega og jafn vel þeir sem ekki hafa neinn sérstakan áhuga á grænmeti fá sér öðru hvoru grænmetisborgara af því þeir eru bara svo góðir. Búllan er með útibúi í nokkrum löndum þar sem við notum grænmetis buff sem við finnum í hverju landi fyrir sig en engin þeirra eru jafn góð og buffin frá móðir náttúru.
    Tommi Hamborgarabúlla Tómasar
  • Réttirnir frá Móður Náttúru eru í miklu uppáhaldi.
    Þeir gera mér kleift að borða alltaf nærandi og
    bragðgóðan mat, líka þegar ég hef ekki tíma til að
    elda. Ég fæ vatn í munninn bara við að sjá lógóið.
    Sólveig Eiríksdóttir Gló